هەرێم کوردستان ٩٥٢ تووشهاتن نوو تۆمار کەێد

شەفەق نیوز/ وەزارەت تەندروسی لە هەرێم کوردستان، ئمڕوو جمعە، راگەیان تۆمارکردن ٩٥٢ تووشهاتن نوو وە ڤایرۆس کۆڕۆنا لە ماوەی ٢٤ ساعەت گوزەیشتە، تا گشت ژمارەی تووسهاتنەیل بڕەسێدە ٢٤٤٦٧٥.

وەزارەتەگە لەبەیانامەی هەڵوێست رووژانەی پەتاگە وت: تووشهاتنە نووەکان وەیجوورە بەشەوە بوین: ١٩٩ هەولێر، ٣٠٤ سلێمانی، ٣٨٩ دهۆک،ە٢٠ هەڵەبجە، ٤٣ گەرمیان، ٧ راپەڕین.

وەگورەی بەیاننامەگە، ٧٩١ بیمار لە پەتاگە خاسەو بوین، وەیجوورە: ١١٩ هەولێر، ٣٢٧ سلێمانی، ٢٥٩ دهۆک، ٨ هەڵەبجە، ٤٨ گەرمیان، ٢٠ راپەرین، تا گشت ژمارەی خاسەوبویەکان بڕەسێدە ١٢١١٦٤.

وەزارەتەگە ١٢ مردن لە دویاترین ٢٤ ساعەت تۆمار کرد، وەیجوورە: ٢ هەولێر، ٤ سلێمانی، ٥ دهۆک، ١ گەرمیان، تا گشت ژمارەی مردنەیل وە ڤایرۆسەگە لە هەرێم کوردستان بڕەسێدە ٣٩٣٢.