هەرێم کوردستان بەرهەمهاوردن لە کەرت تایبەت خەێدە وەردەس وڵات هیند
شەفەق نیوز/ نێچیرڤان بارزانی سەرۆک هەرێم کوردستان، ئمڕوو یەکشەممە، بانگواز کۆمپانیا هیندیەگان کرد ئەرا وەبەرهەمهاوردن لە هەرێم، و لەخود وەختەگە پەیماندا و پێشکەشکردن ئاسانکاری و پشتکیرەگان ئەرایان.
ئەوەیش لە چەوپیکەفتن ئمڕووی هات وەگەرد بیرندار سینگ یاداف باڵوێز هیند لە عراق، وەگورەی بەیاننامەی سەرۆکایەتی هەرێم.
بەیاننامەگە وتیش؛ لە کۆبونەوەگە باس لە پەیوەندیەگان هیند وەگەرد عراق و هەرێم کوردستان کریا، و هەمیش رەوشەگان لە عراق وەگشتی، پەیوەندیەگان هەولێر- بەغداد، گفتوگۆ ئەرا چارەسەرکەردن گرفتەیلی، پەتای کۆڕۆنا و کاریگەریەگانی و رەوش خەڵکە هیند لە هەرێم کوردستان.
هەردوگلاگە دووپاتکردن لە زیایکردن پاڵپشتی پەیوەندیە ئابووریەگان و فراوانکردن بازرگانی لەناوبەین هەیند و عراق و هەرێم کوردستان، و لەی باوەتە نێچیرڤان بارزانی جەختکرد ک کەرت تایبەت هیند توێنێد لە هەرێم کوردستان بەرهەمهاوردن بکەێد و سەرمایەیان لە هەرێم کوردستان بخەنە کار ک گشت ئاسانکاری و پشتکیریەگان ئەرایان پێشکەش کریەن.
