نووڕین و رینمایەیل نێچیروان بارزانی ئەسر ئێزدیەیل کردە خوەشی
قائدی ئەرا ئاژانس شەفەق نیوز وت: ساڵ ٢٠١٤ کارەساتیگ مرۆیی بیوینە وەخوەی دی، هەناێ ریخریاگ داعش پەلاماریگ وەحشیانە لەبان ئێزدیەیل جیوەجی کرد، کە هەزاران رفیاگ لە ژن و مناڵ لەلی بویەو.
وتیش: نێچیروان بارزانی سەرۆک حکومەت هەرێم کوردستان ئەو وەختە، نووڕین ستراتیژی لە رەفتارکردن وەرد ئی قەیرانە داشت، کە ڕزگارکردن رفیاگەیل ئێزیدی کردە گرنگترین کاریگ، و نویسنگەی ئیمە دروس کرد جویر لایەنیگ پەیوەندیدار ئەرا وەشوینکەفتن ئی باوەتە.
قائدی دیاری کرد کە نێچیروان بارزانی پلانیگ گشتگیر دانا ئەرا ئازادکردن رفیایەیل و گلەوداینیان ئەرا ناو کۆمەڵگا، و پشت وە تەقەلایل دیبلۆماسی خەسیگ و کار وەردەوامیگ بەشار و دووپات کرد کە نێچیروان بارزانی لە خوەیڕاگری رفیاگەیل سەرچەوەی ئیلهام ئەرا٨گست مرۆڤایەتی دوینیاد، و رمدار بوی کە هەر ژنیگ لە رفیان و مەرگ رزگار بویە وە هیما هاز و دووارە هەڵسیان بیەێدە قەڵەم.
وتیش: وە خاسی ئی نووڕینە، توەنستیمن چیرووکەیل زیان بکەیمنە نموونەی سەرکەفتن و دەسمیەتیمان دا رزگاربویەیل وەرد مەردمیان تیکەڵا بکەیمن، دیاری کرد کە ئمڕوو بەرهەم ئی تەقەلایلە دوینیمن، کە ئەشێ خەفەت بویە ئەسر خوەشی، وەگەرد گلەوخواردن فرە لە رفیایەیل.
قائدی لە کۆتایی وت: وەردەوامی لە کار دیریمن وەگورەی رینمایەیل نێچیروان بارزانی ئەرا ئەوە کە گشت رزگاربویەیل پشتگیری تەواو وەربگرن ئەرا دووارە بیناکردن ژیانیان، کە داوا لە کۆمەڵگای ناودەوڵەتی مەیمو وەردەوام بوود ئەرا پشتگیریکردن لە باوتمان، و مسۆگەرکردن وەدەسهاوردن دادپەروەری ئەرا قوربانییەیل، وتیش: چیرووکەیل ژنە رزگاربویەیل بوینە سونبول جەهانی ئەرا ئازایی و خوەیڕاگری مرۆیی لە روی ستەم.
