ئەنجومەن وەزیران باس باوەت جینۆساید و تەقەلایل تیم یونایتد کەێد
شەفەق نیوز/ ئەنجومەن وەزیران هەرێم کوردستان وە سەرۆکایەتی مەسرور بارزانی، ئمڕوو چوارشەممە، باس لە تەقەلا ناودەوڵەتیەگان کرد ئەرا دادکردن تاوانبارەیل داعش و رینمای ماف و شایستەیل زیندانی و بەندیندکرباگە سیاسیەگان و خاوەن شەهید و ئەنفال کریایەگان.
ئەنجومەنەگە لە بەیاننامەیگ رەسیە ئاژانس شەفەق نیوز وت: ئمڕوو وە سەرۆکایەتی مەسرور بارزانی سەرۆک ئەنجومەن وەزیران و وەئامادەبوین قوباد تاڵەبانی جیگر سەرۆک وەزیرانی، دانیشتن ئاسایی ئەنجامدا و دیاریکرد ک رێبەر ئەحمەد وەزیر ناوخۆ لە سەرەتای کۆبونەوەگە راپۆرتیگ تایبەت وە باوەت چینکردن تاوانەیل ریخریاگ داعش تیرۆر جوور جینۆساید کرد، و هەمیش تەقەلای تیم لێکۆڵینەوەی سەروە نەتەوە یەکگرتووەکان ئەرا بتەوکردن پرسیارکردن لە تاوانەیل ریخریاگ داعش ( یونایتد) و دویای گفتوگۆەگان و گواستنەوەی راگان، ئەنجومەن وەزیران دەنگ داگە بڕیگ لە پێشنیار و بڕیاریگ لەی باوەتە.
لە تەوەریگ تر لە کۆبونەوەگە، بەیاننامەگە دیاریکرد ک عەبدولڵا حاجی مەحمود وەزیر باوەتەیل شەهیدان و ئەنفال کریایەگان رەشنووسیگ خستە وەردەس دوو رینما هاناوی، یەکیگیان پەیوەندی وە شایستەیل زیندانی و بەندیندکرباگە سیاسیەگان لە هەرێم کوردستان دیرێد، و ئەوانە لەباوەت دیاریکردن ماف وشایستەیل خاوەن شەهید و ئەنفال کریایەگانە.
ئەنجومەن وەزیران جەخت کرد لە دابینکردن ماف و شایستەیل بەڕێز خیزانە شەهیدەگان و ئەنفال کریایەگان و رێزگردن لە خەبات شەهید و ئەنفال کریایەگان ک گران و نەختیات ئەرا گەل و خاکەگە پێشکەش کردن، وهەمیش خەبات زیندانە سیاسییەکان.
ئەنجومەنەگە رینما داگە وەزارت باوەتەیل شەهید و ئەنفال کریایەگان، لە وەردەوامبوین لە چاکسازیەگان لە لیستەیل ناو ئەوانەگ ماف وشایستەگان وەبی حەق وەرکردنە، وەگەرد دووپاتکردن لە مقەیەتی ماف وشایستەیل خاوەن شایستەگان.
بەیاننامەگە ئاماژە کرد ک ئەنجومەن وەزیران لە دویای گفتوگۆەگان، لە بنەمایی واژوو لەبان هەردوگ رینماگە کرد وەگەرد چەودیری لە تیبینیەگان ک لە کۆبونەوەگە تۆمار کریان، وەئامانج خاسەوکردن ژیان خاوەن شەهید و زیندان و بەندیندکرباگە سیاسیەگان و مقەیەتی مافەیلیان.
