ناچارکردن هێزیگ تورکی ئەرا کیشانەوە لە هەرێم کوردستان
2020-07-24T15:20:19+00:00
شەفەق نیوز/ هێزەیل پاڕاستن گەل، باڵە سەربازیەگەی پەکەکە، ئمڕوو جومعە، راگەیان ک هێزەیلی ناچار هێزیگ لە سوپای تورکیا کرد ئەرا کیشانەوە لە ناوچەیگ لەناو هەرێم کوردستان عراق له شوون ئه‌وه ك ٤ لە سەربازەیلی کوشت. ناوەند راگەیانن هێزەیل پاڕاستن گەل لە بەیاننامەیگ ئاژانس شەفەق نیوز چەودیری کرد وت: هێزەگانی لە رووژ ٢٢ لە مانگ تەمووز ئۆپراسیۆنیگ ئەنجامدا لە ناوبەین ناوچەی گردی لێلکان و کڤرەتی لە خواکۆڕەک، و چوار سەرباز تورکی لەلی کووشیا و سێان زەخمداربوی. بەیاننامەگە ئاماژەدا وە کیشانەوەی ئەو هێزەیلە لە ناوچەی ئۆپراسیۆنەگە، و دووپاتکرد ک ئی ئۆپراسیۆنە هات لە تۆڵەکردنەوە لە خوین شەهدەیل لە ناوچەی حەفتانین.
