کۆڕۆنا ریگری لە ساڵ خوەنستن کوردستان کەێد
شەفەق نیوز/ دەسەی باڵای نواگردن ڤایڕۆس کۆڕۆنا لە کوردستان، ئمڕوو چوارشەممە، رەوانگەی زیایبوین تووشهاتنەگان لە مەکتەوەیل پارێزگای هەولێر و دهۆك کرد، لەناو ئەگەر بەسانن دەرەیل مەکتەوەگان.
قسەکەر وەناو وەزارەت تەندروسی لە هەرێم کوردستان ئەرا ئاژانس شەفەق نیوز وت: دەسەی باڵای نواگردن ڤایڕۆس کۆڕۆنا لە هەرێم کوردستان، رەوانگەی بڵاوبوین ڤایڕۆسەگە لە بەشیگ لە مەکتەوەگان کرد، و ئاماژە کرد ئەرا تۆمار کردن تووشهاتن لەلای ماموستاگان.
حویزی وتیش؛ وەزارەتەگە دیرێد راپۆرتیگ ئامادەکەێد خریەێدە وەردەس ئەنجومەن وەزیران ودەسەی باڵای نواگردن کۆڕونا، و ئاماژە کرد وە کۆبونەوەی دەسەی باڵا لە سەرەتای مانگ ئایندە ئەرا هەڵسەنگاندن رەوشەگە و بردن ریکارەیل نوویگ.
قسەکەر وەناو وەزارەتەگە ئەگەر بەسانن دەرەیل مەکتەوەگان خستەڕوو ئەگەر تووشهاتنەگان بەرزەو بوین ئەرا مقەیەتی لە سەڵامەتی گشتی.
