چەن گەنجیگ هەرێم کوردستان چنە بان کویەیل هیمالایا
2023-07-27T10:02:10+00:00
شەفەق نیوز/ گروپیگ لە کەشەوانەیل کورد وە ناو "کلایمبینگ" ، یەکەمین تیم ئێکسپیدەیشن کوردستان دروسکەن ئەرا چگنە بان کویەیل هیمالایا و سێ لە کەشەوانەیل لە شار هەولێرەو وەرەو وڵات قرغیزستان وەڕیکەفنە.
کەشەوانەیل ماوەی چەن رووژیگە لە ناوچەی تاش دەسکردنەسە راهێنانکردن، ئەو سێ کەشەوانە تا ئیسە سەرکەفتنە وەبان کویەی پیترۆڤۆسکی و یوحین و رازدێلنیا، و ئەگەر کەشوهەوا خوەش بوود چنە بان لویتکەی لینین و دویای وەڕیکەفن ئەرا لویتکەی خانتانگری.
