نێچیروان بارزانی و ژەنیڕاڵ "فاول" دووپات کەن: داعش هیمان رخیگ راسی دروس کەێد
ئەوەیش لە مەوقەی پیشوازیکردن لەلایەن سەرۆک هەرێم کوردستان لە ژەنیڕاڵ فاول وە بوونەوەی تەواوبوین ئەرکەیلی و ماڵئاوایی کردن لەلی، وەگورەی بەیاننامەیگ لە سەرۆکایەتی هەرێم کوردستان.
نێچیروان بارزانی، سوپاس هەرێم کوردستان نووەو کرد ئەرا هاوکاری و پاڵپشتیکردن هاوپەیمان ناودەوڵەتی ئەرا عراق و هەرێم کوردستان ئەرا شکستهاوردن وە داعش.
لەلای خوەییش، وەگەرد باسکردن لە خوەشاڵیی لە کارکردن لە عراق و سوریا، ژەنیڕاڵ فاول سوپاس و رێزی ئەرا هاوکاری و پاڵپشتیکردن هەرێم کوردستان ماوەی وەرگردن پۆستەگەی پیشکەش کرد، و دووپات لەبان گرنگی وەردەوامی پاڵپشتیکردن هاوپەیمان ناودەوڵەتی ئەرا عراق و هەرێم کوردستان کرد.
لەو دیدارە کە سەرۆک ئەرکان هیزەیل پیشمەرگە و شمارەیگ لە وەرپرسەیل لە هەردوگ لایەن ئامادەی بوین، هەردوگ لایەن هاوڕا بوین کە هیمان ریخریاگ داعش رخیگ راسی و هەڕەش لەبان ئاسایش و ئارامی ناوچەگە دیرێد.
جموجویل داعش، و رەوشەیل عراق و سوریا، و دویاترین نووەوبویەل لە ناوچەگە، باسەیلیگ لەناو ئەو دیدارە بوین.
