نێچیروان بارزانی و فەیاز: فڕۆکەیل بێفڕۆکەوان لەبان کوردستان زەرەد وە ئارامی عراق رەسنێد
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: نێچیروان بارزانی سەرۆک هەرێم کوردستان، ئمڕوو، لە بەغداد چەوی کەفتە فالح فەیاز سەرۆک دەزگای حەشد شەعبی.
بەیاننامەگە وتیش: لە دیدارەگە باس رەوش ئەمنی لە عراق، و مەترسییەیل تیرۆر، و پەلامارەیل داعش لەبان هیزە چەکدارەیل عراقی و هاووڵاتیەیل کردن، وەگەرد باس دویاترین گەشەیل جەنگ و کاریگەرییەیلی لەبان ناوچەگە.
هەردوگ لایەنەگە دووپات لەبان گرنگی ئەوە کردن کە عێلی لەناو جەنگ ناوچەگە دەسپاچە نەوود، و مقیەتیکردن ئاشتی و ئارامی و بەرژەوەنیەیل باڵای وڵات بایەسە گرنگی لەلای گشتی بوود.
هەردوگ لایەنەگە رێککەفتن کە وەئەنجامگرتن پیشمەرگە و پەلامارەیل فڕۆکەیل بێفڕۆکەوان لەبان هەرێم کوردستان ئەوەسا زورەم وە ئاشتی و ئارامی عراق و هەرێم کوردستان رەسنێد.
لەناو دیدارەگە باس پەیوەندیەیل هەولێر و بەغدا و پەیوەندیەیل عراق وەرد دەوڵەتەیل هاوسا و ناوچەگە کریا.
