نێچیروان بارزانی: ژن تۊنێد بوودە سەرۆک هەرێم کوردستان
شەفەق نیوز/ نێچیروان بارزانی سەرۆک هەرێم کوردستان، ئمڕوو یەکشەممە، جەختکرد لەبان گرنگی یەکسانی لەناوبەین ژن و پیاو لە گشت دامەزاوەیل حکومەتی، و هەمیش وت: ژن تۊنێد بوودە سەرۆک هەرێم کوردستان.
ئەوەیش لە وتاریگ لەناو کۆنگرەی یەکسانی جەندەری و ستراتیژی هێز ژنەیل، وە ئامادەبۊن جینین بلاسخارت نۊنەر ئەمیندار گشتی نەتەوە یەکگرتگەیل لە عراق، وەڕێخستن زانکۆی کوردستان لە هەولێر.
بارزانی لە وتارەگەی وت: ژن تۊنێد نچوودە ناو گشت چینەیل ژیان ئەگەر ئازاد بۊی، تۊنێد شان وەشان پیاو بوود، و بوودە پۆلیس یا پێشمەرگە، یا سەرۆک هەرێمیش ئەگەر خوازێد.
وتیش: بایەتە گشت کەشوهەوایگ ئەرا ژن دابین بکەیمن، تا بوودە وەڕیەوبەر ماڵ، و لە دەیشت ماڵیش کار بکەێد، وتیش: ئەگەر لە دەیشت ماڵ کار کرد بایەتە کەشوهەوا ئەرا ئامادە بکەیمن تا لە خود وەختەگە کار ماڵیش بکەێد.
سەرۆک هەرێم کوردستان، جەختیش کردە بان گرنگی ری وازکردن ئەرا ژن تا لە گشت دامەزاوەیل حکومەتی وەگەرد پیاو یەکسان بوود، ئەوەیش وەگەرد گرنگی زیایکردن کۆتای ژن لە دەسەڵات پەرلەمانی.
