نێچیروان بارزانی: گشت تەقەلایگ دەیمن ئەرا مسۆگەرکردن دەنگدان و هەڵوژاردن
سەرۆکایەتی هەرێم کوردستان، لە بەیاننامەیگ رەسیە ئاژانس شەفەق نیوز وت: سەرۆک هەرێم لە دیدارەگە سوپاس ئەرا رۆڵ و وەرپرسایەتی قونسوڵ گشتی هۆڵەندا لە مەوقەی کاری لە هەرێم کوردستان پیشکەش کرد، و ئەرا تەقەلایل قایمکردن پەیوەندییەیل ناوەین وڵاتەگەی وەرد هەرێم کوردستان، و ئومید سەرکەفتن لە ئەرک نووی ئەرای خوازێد.
لەلای خوەییش، قونسوڵ گشتی هۆڵەندا باس خوەشاڵیی وە کارکردن لە هەرێم کوردستان کرد، و سوپای لە نێچیروان بارزانی کرد ئەرا هاوکاریکردن و پشتگیریکردن لایەنەیل پەیوەندیدار لە هەرێم کوردستان، و ئارەزوو وڵاتەگەی ئەرا قایمکردن هاوکاری ن پەیوەندییەیل وەرد هەرێم کوردستان لە گشت چینەیل نووەو کرد.
هەڵوژاردن پەرلەمان کوردستان باوەتیگ ترەک بوی لەناو دیدارەگە، کە نێچیروان بارزانی دووپات کرد کە گشت تەقەلایگ دریەێد ئەرا مسۆگەرکردن دەنگدان و هەڵوژاردن وە سەرکەفتن، و قونسوڵ گشتی هۆڵەندا دەسخوەشی لە سەرۆک هەرێم کوردستان و تەقەلایلی کرد ئەرا جیوەجیکردن هەڵوژاردن و سەرکەفتتی.
