نێچیروان بارزانی دووپات لە گرنگی مقیەتیکردن و پاڵپشتیکردن زوان داڵگی و هەمەڕەنگی کەلتوورەیل لە کوردستان کەێد
سەرۆک نێچیروان بارزانی لە پۆستیگ لەبان پلاتفۆرم ئێکس کە ئاژانس شەفەق نیوز چەودیاریی کرد وت: لە رووژ جەهانی زوان داڵگ، دووپات لە مقیەتیکردن و قایمکردن زوان کوردی و زوان داڵگی گشت پیکاتەیل کەیمن،
و پاڵپشتیکردن هەمەڕەنگی ژوان و کەلتوورەیل لە کوردستان، و ماف یایگردن و ئازادی زوان داڵگ لە گشت شوینیگ.
وتیش: وەی بوونە وە رێزیگ یاد هەر کەسیگ کەیمن کە خزمەت زوان کوردی و زوان داڵگ گشت پیکاتەیل لە کوردستان کەیمن، خوەزگەو وەوەگ وەردەوامە لەی خزمەت پیرووزە ئەرا مقیەتیکردن گرنگترین بنچینە و بنەمای ناسنامەی نیشتمانی و کەلتووری کە زوان داڵگە.
رووژ ٢١ شوبات لە گشت ساڵیگ رووژ جەهانی زوان داڵگە، کە ئاهەنگیگ ساڵانەس لە گشت جەهان ئەرا ژوان داڵگ، ئەرا قایمکردن هووشیاری وە هەمەڕەنگی زوان و کەلتوور.
لە ١٧ی تشرین دویەم ١٩٩٩ زایینی وەلایەن ریخریاگ یونیسکۆ ئی بوونە راگەیان، ئیجا وەلایەن کۆمەڵەی گشتی نەتەوە یەکگرتگەیل بویە فەرمی، و لە ساڵ ٢٠٠٨ بڕیار دریا ساڵ ناودەوڵەتی زوانەیل دروس بوود.
لە ساڵ ٢٠٠٠ وە دەسکریا ئاهەنگکردن وە رووژ جەهانی زوان داڵگ ئەرا قایمکردن ئاشتی و هەمەزوانی لە گشت جەهان
