نێچیروان بارزانی دووپات لەبان وەدەسهاوردن گشت مافەیل دەستووری گەل کوردستان کەێد
شەفەق نیوز/ نێچیروان بارزانی سەرۆک هەرێم کوردستان، ئمڕوو چوارشەممە، دووپات کرد لەبان گرنگی وەدەسهاوردن گشت مافەیل دەستووری گەل کوردستان.
ئەوەیش لە بەیاننامەیگ وەبوونەی شەس و سێیەم ساڵیاد دەسکردن شووڕش ئەیلوول هات.
سەرۆک نێچیروان بارزانی لە بەیاننامەگە وت: شووڕش ئەیلوول کە شووڕش کشت گەل کوردستان بوی وە گشت پیکاتەیلی، بویە بنەمایەی هویر و ناسنامەی نەتەویی و نیشتمانی و سەربەرزی ئەرا گشت کوردستانیەیل، و ئەرا خوازین پووڵایی گەل کوردستان وەخاتر نواگیریکردن ستەم و داگیرکاری.
وتیش: ئی شووڕشە ئەو دەنگ بەرز ئازادەیلە بوی، و باوەت دادپەروەر گەل و نیشتمانیگ بوی کە گشت قوربانیەیل ئەرا ئازادی پیشکەش کرد، و بویە بنەمای یەکەمین دانوەپیناین فەرمی وە مافەیل گەل کوردستان، و بنەمای گشت دەسکەفتەیل پشتی.
نێچیروان بارزانی هەمیش دووپات کرد کە خوازین سەخت گەل کوردستان ئەرا مقیەتیکردن و وەدەسهاوردن گشت مافەیل دەستوورییر و لەبان دووسی و یەکگردن ناوەین گشت پیکاتەیلی.
هەمیش وت: ئەوەسا دەس گریمنە بنەما و ئەرزشەیل باڵای شووڕش لە خەبات و رەنجدان و شلەونەوین وەخاتر ئازادی و دیموکراتی، و وەردەوام ری کەیمن، کە ئومید و گەبینی گام وەپیمان نەێد، ئەرا وەدەسهاوردن سەرکەفتن و ئومید و خەونەیل شەهیدەیل و بانانیگ خاستر.
