نێچیروان بارزانی داوا لە بولگاریا کەێد ئاست نوێنەرایەتیەگەی لە هەرێم کوردستان بەرزەوکەێد
ئیەش لە سەردانیگ سەرۆک بولگاریا رومن رادیف بوی لە دویەم رووژ لە بەشداریکردن لە کۆڕبەند دبلۆماسی ئەنتالیا، وەپای بەیاننامەیگ کە لە سەرۆکایەتی هەرێم دەرچگە.
لە بەیاننامەگە هاتیە، "لە دیدارەگە رووشنایی خریا بان گەشەکردنپەیوەنیەل ناوەین بولگاریا و عراق و هەرێم کوردستان لە مژارەیل ئابووری و بازرگانی و رووشنهویر و وەرزش و گەشتوگوزار و کشاوەرزی، و گفتوگوکردن لەبان دەرفەت ئەوزەڵداین وە هاوکاری رێکەفتنەیل دوو قۆڵی لە مژار خوەنین زانکۆ و خوەنین باڵا، و گەشتەیل راستەوخوەی ئاسمانی لەناوەین بولگاریا و عراق لە هەرێم کوردستان".
لە بەیاننامەگە سەرۆک نێچیروان بارزانی وت: هەرێم کوردستان گرنگی گەپیگ دیرێد وەبان پەیوەنیەیل وەرد وڵاتەی هاوڕێ لە ئەوروپا، وتیش لەهەمان وەخت هەرێم ئارەزومەنە هاوکاریەیلی وەگەرد بولگاریا فراوانەوبکەێد ئەرا بەرزەو کردن نوێنەرایەتیەگەی لە هەرێم کوردستان.
لە دیداریگ ترەک سەرۆک نێچیروان بارزانی وەگەرد وەرگیری تورکیا یەشار غولەر لە ئەنتالیا، گفتوگوکرد لەبان دویا پیشهاتەیل ئەمنی ناوچەی خوەرهەڵات ناوڕاس، مترسیەیل تیرۆرستەیل و هەڕەشەیلیان".
لە بەیانامەی ترەک سەرۆکایەیەتی هەرێم هاتیە، هەردووگلا هاوڕا بوین لەبان گرنگی پاراستن ئاشتی و ئارامی ناوچەگە، تەقەلاداین ئەرا ریگریکردن زیاتریگ لە بەرزەوبوین گرژیەگان، دووپاتکرد وەبان ئەوزەڵداین لە پەیوەنیەیل تورکیا وەگەرد عراق و هەرێم کوردستان.
