نێچیروان بارزانی داوا کەێد پەیام نەتەوەی کورد وە هونەر و شانۆگەری بڕەسێد
شەفەق نیوز/ نێچیروان بارزانی سەرۆک هەرێم کوردستان، نێچیروان بارزانی سەرۆک هەرێم کوردستان، ئمڕوو شەممە، داوای رەسانن پەیام نەتەوەی کورد ئەرا جەهان وەڕی کارەبا هونەری و شانۆگەری کرد.
ئەوەیش لە وتاریگ هات کە لە ئامادەبوینی لە نمایشکردنیگ شانۆگەری پیشکەشی کرد، کە نزیکەی ٢٠٠ ئەکتەر لە هەردوگ رەگەز لە هەرێم کوردستان لەناوی بەشدار بوین.
سەرۆک نێچیروان بارزانی لە وتارەگەی وت: ئی دەسکەفتەیلە کە ئەرا هەرێم کوردستان لەی وەختە وەدی هاتن، وە ئاسانی نەهات، و بایەسە نەوەیل گەنج مقیەتییان بکەن.
وتیش: گرنگە رەسانن پەیام نەتەوەمان ئەرا گشت جەهان وەڕی هونەر (فیلم و شانۆگەری).
سەرۆک هەرێم کوردستان وتیش: گشت ماڵیگ لە کوردستان لە زاخۆ تا خانەقین چیرووکیگ لە سەرگەردانی و قوربانی و شەهیدەیل و خەبات دیرێد، و ئارەزوو دیرێد بڕەسێدە ئازادی، و گشت ئەوەگ ئەرای رەنج دایمنە وەجی باێد.
