نێچیروان بارزانی باس پارچە ڤیدیۆییگ خوەی کەێد کە لەبان سۆشیال میدیا بڵاو بویە

شەفەق نیوز/ ماڵپەڕەیل سۆشیال میدیا پارچە ڤیدیۆییگ کوینەی نێچیروان بارزانی سەرۆک هەرێم کوردستان بڵاو کردن، کە لەناوی سروودیگ وە بوونەی ساڵیاد لەداڵگبوین پەیغەمبەر چڕێد.

 ئەو پارچە ڤیدیۆ چوودەو ئەرا ساڵ ١٩٩٨ لە ناوچەی بارزان.

سەرۆک نێچیروان بارزانی لەبان ئی پارچە ڤیدیۆ وت: تا ئیسە ئی پارچە نەیمە، تا لەی دویاییە لەبان سۆشیال میدیا چەوم کەفتە بانی، و میژوو ئی ڤیدیۆ چوودەو ئەرا وەرجە ٢٨ ساڵ.

بارزانی وتیش: خاسە دەنگن خوەشە، و یە چشت خاسیگە، و کەسەیلیگ وتنە دەنگم خوەش نییە، ئەوانە بایەسە بوەخشن.