کۆمسیۆن: ریژەی بەشداریکردن لە دەنگدان تایبەت لە هەڵوژاردن پەرلەمان کوردستان رەسیە 70%

شەفەق نیوز/ کۆمسیۆن باڵای سەروەخوەی هەڵوژاردن، راگەیان کە ریژەی بەشداریکردن لە دەنگدان ئەرا هەڵوژاردن پەرلەمان هەرێم کوردستان، تا ساعەت 12ی نیمەڕو ئمڕوو جمعە، رەسیە 70 لەسەد.

ئەیسەر یاسین قسەکەر کۆمسیۆن لە کۆنگرەیگ رووژنامەوانی لە هەولێر وە ئامادەیوین پەیامنێر ئاژانس شەفەق نیوز وت: ریژەی بەشداریکردن تا ساعەت 12ی نیمەڕو رەسیە 77% لە دهۆک، و70% لە هەولێر، و67% لە سلێمانی، و64% في هەڵەبجە.

وتیش: بڕ شمارەی دەنگدەرەیل لە دەنگدان تایبەت رەسیە 70 لەسەد.

کۆمسیۆن باڵای سەروەخوەی هەڵوژاردن فیدڕاڵی، شەوەکی ئمڕوو جمعە، دەر بنکەیل دەنگدان ئەرا پیشوازیکردن لە هیزەیل پیشمەرگە و هیزەیل ئاسایش ناوخوەیی واز کرد، ئەرا بەشداریکردن دەنگدان تایبەت، لە هەڵوژاردن پەرلەمان هەرێم کوردستان لە خول شەشەمی.