مردن و زه‌خمداربوين 7 كه‌س له رويداگيگ هاتوچوو له كه‌لار(وێنه)
2020-05-25T16:20:30+00:00
شه‌فه‌ق نيوز/ وه‌ڕيه‌وبه‌رايه‌تى پۆليس هاتوچوو له ئداره‌ى گه‌رميان له هه‌رێم كوردستان، ئاشكراى مردن و زه‌خمداربوين 7 كه‌س كرد له رويداگيگ دڵته‌زن له قه‌زاى كه‌لار.
وه‌ڕيه‌وبه‌رايه‌تيه‌گه له به‌ياننامه‌يگ ئه‌را ئاژانس شه‌فه‌ق نيوز وت: رويداگيگ هاتوچوو له نزيك ئاوايى تازه‌دێ له‌ناونى ناحيه‌ى باوه‌نوور و ناوه‌ند قه‌زاى كه‌لار كه‌فته‌وه‌و بويه هووكار مردن شوفێره‌گه‌و زه‌خمداربوين 6 كه‌س تر.
به‌ياننامه‌گه هه‌ميش وت: شوفێره‌گه ناوى ناميق محه‌مه‌د و زاينده‌ى ساڵ 1977 بويه، ئاماژه وه‌يه‌يش كرد زه‌خمداره‌يليش جيواز كريانه ئه‌را نه‌خوه‌شخانه‌يگ نزيك.
