مردن نویسەر کورد فەیلی عەبدولئەمیر مەلەکی
نویسەرە کووچکردگەگە لە ساڵ 1943 لە بەغدا لە داڵگبویە و لەورا خوەنستن سەرەتایی و ناوەندی و زانکۆ تەواوکردیە، بڕوانامەی بەکالۆریۆس وەدەسهاوردیە لە زانست بیرکاری نوو، بڕوانامەی دبلۆم لە پەروەردە و زانست دەروینزانی.
لە ساڵ سەرەتای شەستەگان سەدەی وەرین رویوەروی دەسگیرکردن و زیندانیکردن بوی وە مدوو چالاکی نیشتیمانی، هەمیشە وەلایەن دەسڵاتدارەیل ئەمنی رژێم بەعس لە ژیر چەودێری بوی.
سەر وە فرەیگ لە سەندیکا و رێکخریاگەیل بوی هەمیش ئەجدام بوی لە سەندیکای ماموسایەیل بەغدا، ئەندام بوی لە مامووسایەیل کورد لە دەرەوەی هەرێم کوردستان، هەمیش ئەندام بوی لە سەندیکای رووژنامەوانەیل کوردستان/لق بەغدا، و ئەندام بوی لە دامەزراوەی رێکخریاگ ماڵ کوردی، و ئەندام بوی رێکخریاگ یانەی فەیلی وەرزشی لە بەغدا، هەمیش ئەدام بوی لە دامەزراوەی ناوەن رووشنهویری و کۆمەڵایەتی کوردەیل فەیلی.
هەمیش بەشدار بوی وە نویسینەل باوەت و وتار لە گوڤارەیل لەلیان گۆڤار "فەیلی" و رووژنامەی "آفاق الكورد" کە وەلایەن دەزگای رووشنهویری شەفەق و راگەیانن کورد فەیلی لە بەغدا دەرچگە، و رووژنامەی الأهالي، والتآخي.
کتاویگ وە ناونیشان "الأيام العصيبة" نویسایە کە لە ساڵ 2009 چاپیکردیە باس لە شوین و ناوچەیلە کەێد کە کوردەیل فەیلی هالەناوی، و لە گرنگترین رویداوەیلیگ وەبانیان رویدایە، وەگەرد ناوبردن شمارەیگ لە کەسایەتی دیارەیلیان، و هەمیش کتاوەگە وینەی شەهیدەیلیگ لەناوی بوی وەگەرد بڕیگ بەڵگە نامەی فەرمی.
