مردن سێ کارمەن و زەخمداربوین کەسەیلیگ تر وە ئاگریگ لە پاڵاویگ نەفتی لە هەولێر

شەفەق نیوز/ سەرچەوەیگ لە وەڕێۆبەرایەتی وەرگری مەدەنی لە پارێزگای هەولێر پایتەخت هەرێم کوردستان، ئمڕوو پەنجشەممە، خەوردا لە مردن و زەخمداربوین پەنج کارمەن وە ئاگریگ لەناو پاڵاویگ نەفت وگاز.

سەرچەوەگە ئەرا ئاژانس شەفەق نیوز وت: شەوەکی ئمڕوو، ئاگریگ لە بەشیک لە پاڵاو کار گرووپ ئەرا نەفت و گاز لە ناحیەی کۆرگۆسک لە هەولێر گوڵپە کرد.

سەرچەوەگە وتیش؛ سێ کارمەن گیانیان لەدەس دان و دووان تر زەخمدار بوین، و رەوش زەخمدارەگان ئارام نییە.

سەرچەوەگە ئاماژە کرد ک تیمەیل ئاگرکوژێنەوە تەقەلای کپەوکردن ئاگرەکە ۆەن، وەبی زانستنیگ لە هووکارەیل رووداوەگە.