مردن زەخمداریگتر لە تەقینەوەگەی تانکی غازەگەی دهۆک تا شمارەی قوربانیەیل بڕەسێدە ٧

شەفەق نیوز/ زەخمداریگتر، لە رویداو تەقینەوەگەی تانکی غازەگە لە هەفتەی گوزەشتە لەناو بەش ناوەخوەیی ناوڕاس شار دهۆک، شەوەکی ئمڕوو شەممە، گیانی لەدەسدا، تا شمارەی قوربانیەیل بڕەسێدە ٧ کەس.

محمد مەحمود ئەو زەخمدارە لەناو خەسەخانەیگ لە شارەگە، لەوەر چەوسیان و زەخمەیل قویلی لە تەقیانەگە، شەوەکی ئمڕوو، گیانی لەدەسدا.

ئی قوربانی نووە، کار لەناو نانەواخانەی ئەو بینا کردیاد ک رویداوەگە لەناوی کەفت.

جی باسە ک لە وەخت دیریگ شەو یەکشەممەی گوزەشتە، شەش کەس گیانیان لەدەسدان، و زیاتر لە ٤٠ کەسیش زەخمدار بوین،  لە ئەنجام تەقینەوەی تانکی غازەیگ لەناو بەش ناوەخوەیی خوەنەوارەیل لەناوڕاس شار دهۆک.