مردن زیاتر لە 100 کراکار لە هەرێم کوردستان لەماوەی ساڵ و نیمیگ

عوسمان زندانی وەرپرس سەندیکای کراکارەیل بیناسازی سلێمانی لە کۆنگرەیگ رووژنامەوانی کە ئاژانس شەفەق نیوز ئامادەبوی وت، 103 کراکار لەماوەی ساڵیگ و پەنج مانگ گیان لەدەسدانە و  98٪ لەلیان کراکار بیناسازین، وتیش ئامارەگە لەماوەی سەرەتای ساڵ 2023 توومارکریایە تا مانگ ئایار ئمساڵ و یە شمارەی گەپیگە.

 وتیش، لەسەرەتای ئمساڵ 22 حالەت مردنلەناو کراکارەیل تومارکریاس، و لە مادەی  107، 108 لە یاسای کارکردنبایەت خاوەن کارەیل پێداویستی بی وەیی و سەلامەتی پیشەیی لە شوینەیل کارکردن.

 دیاریکرد، کاراکارەیل لە بارودۆخ رخبەر و مەترسیداریگ زندگی کەن، خاوەن کارەیل و حکومەت وەرپرسن لەلی، دووپاتکرد یاسای دەستەبەر کۆمەڵایەتی یاسای دەستەوەرکردن کۆمەڵایەتی وەشیوەی تەواویگە ئەرا کراکارەیل رووژانە مسۆگەربکرێد، خاوەن پرۆژەیل ئاگاداربکریەن لە مسۆگەرکردن کەرەسەیل کارکردن پیشکەفتی و بیوەیگ.

راگەیان، لە کوردستان خاوەن پرۆژەیل کەرەستەیل پیشکەفتی وەکار نیەتێرن جویر وڵاتەیل ترەک، چونکە توان بڕ تێچگ کارەگە کەمتر بکەن لەبان حساو ژیان و تەندروسی کراکار.

وتیش: فرەیگ لەو کراکارەیلە گیان لەدەسدانە خەڵک دەرەوەی وڵاتن و ئەرا کەسوکارەیلیان قورسە بانە کوردستان داد تووماربکەن، و فرەجار جویر قەزا و قەدەر تووماری کردنە.