٢٢ مردن ٢ ١٢٥٣ تۊشهاتن کۆڕۆنا لە هەرێم کوردستان

شەفەق نیوز/ وەزارەت تەندروسی لە حکومەت هەرێم کوردستان،  ئمڕوو پەنجشەممە،  راگەیان توومارکردن ٢٢ مردن و ١٢٥٣ تۊشهاتن نوو وە ڤایرۆس کۆڕۆنا لە ماوەی ٢٤ سەعات گوزەیشتە.

وەزارەتەگە لە بەیاننامەیگ رەسیە ئاژانس شەفەق نیوز وت: تاقێگەیلی لە ماوەی ٢٤ سەعات گوزەیشتە ٩٦٣١ تاقیکردنەوە ئەنجام دانە،  لەناویان ١٢٥٣ تۊشهاتن نوو وە ڤایرۆس کۆڕۆنا ئاشکرا بۊی،  و ١٥٤٧ بیمار لە پەتاگە خاسەو بۊین، و ٢٢ بیماریش لەوەر ڤایرۆسەگە مردن.

دەربارەی ئامارەیلی لە مەوقەی بڵاوبۊن پەتاگە تا ئیسە،  وەزارەتەگە وت؛ ٢١٨٧١ کەس کەرەنتین کریاگە،  و ٣٠١٣٦٢٤ تاقیکردنەوە ئەنجام دریاگە، و ٣١٥٥٥٥ تۊشهاتن ئاشکرا بۊیە،  لەلیان ٢٨٠٨٩٥ بیمار خاسەو بۊینە،  و٥٦٦٣ بیمار مردنە.