مرافەی باکوور هەولێر رەسێدە ماڵ سزانن وکوشیان ژنێگ دووگیانی
2021-10-01T06:30:07+00:00
شەفەق نیوز/ وەچەودیەیلیگ باس کردن ک مرافەی چەکداریگ لەناوبەین دوو بنەماڵە لە باکوور هەولێر پایتەخت هەرێم کوردستان، شەو پەنجشەممە، رەسیە ئاگردان ماڵەیلیگ و کوشیان ژنیگ دووگیانی.
وەرجەیە، سەرچەوەیگ ئەمنی و وەچەودیەیلە ئەرا ئاژانس شەفەق نیوز باس کوشیان ٤ کەس لە مرافەی چەکداریگ کردن لەناوبەین دوو بنەماڵە لەبان پارچە زەوییگ کشتوکاڵی لە ناحیەی حەریر سەروە قەزای شەقڵاوە.
باوجی مرافەگە لەیرا تەواو نەۊی، ک هەردوگ لایەنەگە وەردەوام ململانە بۊین.
وەچەودیەیلە ئەرا ئاژانس شەفەق نیوز وتن: لایەنەیل مرافەگە چەن ماڵیگ ئاگر دان و ژنیگ دووگیانی کوشتن. وتنیش؛ ئی گەشەیلە لەبان ریکارە ئەمنیەیلە ک وە خەسی لەبان شارەگە چەسپیاگە بۊیە.
