مانگردن زیاتر لە 600 نانواخانە لەوەر بڕیار فروشتن 10 نان وە هەزار
2024-01-10T08:11:05+00:00
شەفەق نیوز/ خاوەن زیاتر لە 600 نانواخانە لە شار هەولێر پایتەخت هەرێم کوردستان، ئمڕوو چوارشەممە، بایکوت کارکردن کردن وە مدوو بڕیار داوەزانن نرخ نان کە وەرجە چەن رووژیگ خریا جیوەجیکردن.
خاوەن ئەو نانواخانەیلە لە نامەیگ هاوبەش کە ئاراستەی ەرۆک حکومەت هەرێم مەسرور بارزانی کردن و ئاژانس شەفەق نیوز ئسفایکردیە وتن: "ئیمە خاوەن 610 نانواخانەین لە هەولێر، ئمڕوو کارنیەکەیمن وە مدوو ئەو فیشار گەپە هابانمان، کە بڕیارەگە کاریگەری لەبان رۆزیمان دروسکردیە داوای وساننی کەیمن".
لە نامەگە هاتیە: "ئێ بڕیارە هیلێ کراکارەیلمان قاو بدەیمن کە لەلامان کارکەن یەیش پیچەوانەی یاسای کارکردن گرەنتی کۆمەڵایەتیە،ئمڕوو 1830 کراکار لەکار وسیانە، وە مدوو بەسیان ئێ نانواخانەیلە".
داوەزانن نرخ نان و سەموون لە هەولێر، لە رووژ دووشەممەی گوزەشتە، هاتە جیوەجیکردن کە نرخ هەر (10) نان یان سەموون وە (1000) دینار بوود.
