مامووستای کۆلێژەیل دەرەیل زانکۆی سلێمانی بەسن.. وینە

 شەفەق نیوز/ مامووستا و فەرمانبەرەیل زانکۆی سلێمانی، ئمڕوو شەممە، دەروازەیل زانکۆگە وە ناڕەازییان لەبان دیرکەفتن خەرج مووچەیلیان بەسان، و بایکۆت هۆڵەیل خوەنستن کردن.

 نوینەر ناڕەزایلە محمد عەلی ئەرا ئاژانس شەفەق نیوز وت: داوای گلەوداین سەروەری و سەربەرزی دامەزراو خوەنەواری کەیمن ک وە شیوەیلیگ ناگونجیاگ سوکایەتی وەپی کریا، و دوارە داوای خەرجکردن شایستەیل پیشەیی هەکاتی وەزارەتە ئەمنیەیلە کرد، و پەیمان وە خەرج مووچەی مانگانە هەر ٣٠ رووژیگ جویر مافیگ شەرعی خوەمان.  

عەلی وتیش: ئەوەسا سوو دەرچیمنە خوەینشاندان فرەیگ لەناوی دووپات لە داوایل شەرعی خوەمان کەیمن ک دەسدرۊژی لەبانی کریا و ئەوەسا وەردەوام بویمن لە بایکۆت، و دووپات کرد ک مامووستایل نیەچنە ناو هۆڵەیل خوەنستن تا ئەوەنە گشت داواکاریەیل جیوەجی کریەن.