مەسرور بارزانی: هەرێم کوردستان تا ئیسە بەشەگەی خوەی لە بوودجەی فیدڕاڵی وەرنەگردیە
شەفەق نیوز/ مەسرور بارزانی سەرۆک حکومەت هەرێم کوردستان، ئمڕوو یەکشەممە، دووپات کرد ک تا ئیسە حکومەت عراقی بەش هەرێم کوردستان لە بوودجەی فیدڕاڵی ئەرا ساڵ ٢٠٢١ کل نەکردگە.
ئەوەیش لە وتاریگ هات لە پشت کردنەوەی پڕۆژەی تلیفرک لە کوێەی زاوا لە پارێزگای دهۆک.
بارزانی لە وتارەگەی وت: ئی پڕۆژە بکەفێدە بەرژەوەنی تەنیا هاووڵاتییەیل دهۆک، بەڵکم ئەرا گشت هەرێم کوردستانە، و دووپات کرد ک بەڕنامەی حکومەتەگە لەبان دوو کار جەخت کەێد، یەکیگیان چاکسازیە وەئەوەاکە رەنگاوڕەنگکردن سەرچەوەیل داهاتە ناوخۆییەکانە.
بارزانی وتیش؛ خوازیمن گرنگی فرەیگ بەیمنە کەرت گەشتوگوزاری و کشتوکاڵی و پیشەسازی، و کار ئەرا گەشەکردن کەرت تایبەت لە هەرێم کەیمن.
سەرۆک حکومەت هەرێم هەمیش باس ئەوەیش کرد ک بڵاوبوین ڤایڕۆس کۆڕۆنا و داوەزین نرخەیل نەفت و قەیرانە داراییەگە ک جهان وەخوەی دی، و خراوی هاتە بان هەرێم کوردستان، و باس لە سوپاس خوەی ئەرا خەڵک هەرێم کرد ئەرا خۆڕاگرییان لە نواگردن ئەو سەختیەیلە و پشتگیریکردن حکومەت هەرێم.
بارزانی باس باوەت دیرکەفتن و بڕین لە مووچەیل کرد و وت: بەش هەرێم کوردستان لە بوودجەی دارایی فیدڕاڵی ئمساڵ تا ئیسە نەڕەسیە، و ئومید خوازیمن وەینزیکە کلی بکریەێد تا ئی چارەی گرفتەیلە بکەیمن.
