مەسرور بارزانی: بایەتە بەرهەمەیل هەرێم کوردستان هەناردە بکریەن
شەفەق نیوز/ مەسرور بارزانی سەرۆک حکومەت هەرێم کوردستان، ئمڕوو یەکشەممە، راگەیان حکومەتەگەی تەقەلای هەناردەکردن کاڵا و شمەکەیل دەێد ک لەناو هەرێم بەرهەم کریەن، وەتایبەت لە بەرهەمەیل کشتوکاڵی وەرەو وڵاتەیل دەیشت.
ئەوەیش لە وتاریگ لە دانان سەنگ بنەڕەتی ئەرا پڕۆژەی سایلۆیگ وە دزاین نوویگ، و هەمیش پڕۆژەی ئەمارکردن و بەرهەمکردن خواردەمەنی و توێەم و بازاڕکردن بەر گەنم ئەرا کشاورزەیل سلێمانی وە خەرج بایی ١٢٢ ملیۆن دۆلار.
بارزانی لە وتارەگەی وت: کردنەوەی ئیجوور پڕۆژەیلیگ خەێدە هویرمان ک حکومەت هەرێم کوردستان پەیمانەیل خوەی یەک لە شوین یەک وەجی تیارێد، و ئی پڕۆژە نەگ تەنیا خزمەت کشاورزەیل سلێمانی کەێد باوجی گشت کشاورزەیل هەرێم کوردستان، و ئاسایش خوەراک لە کوردستان وەگشتی دابین کەێد.
و باس لە ئومید خوەی کرد لە وازکردن پڕۆژەیلیگ تر لە جووراجور کەرتەیل، وتیش؛ لە گشت وڵاتەیل جوور بنەڕەت بینای ژیرین ئابووری نووڕیەێدە کەرت کشتوکاڵی.
هەمیش وت: وەرەو وازکردن پڕۆژەیل وەردەوامیمن تا هەزاران دەرفەتەیل کار لە هەرێم دابین بکەن، و جەخت کرد ک بایەتە بەرهەم ئەرا هەرێم کوردستان وەتەنیا نەوود بەڵکم بایەتە کار ئەرا هەناردەی کاڵا و شمەکەیل وەرەو دەیشت بکریەێد و کوردستان بوودە يەکیگ لە سەرچەوەیل بەرهەم ئەرا ناوچەگە.
