له ماوه‌ى 24 سه‌عات.. حاڵه‌تيگ مردن و 11 تويشبوين وه كۆرۆنا له كوردستان
2020-04-28T20:52:09+00:00
شه‌فه‌ق نيوز/ وه‌زاره‌ت ته‌ندروستى له حكومه‌ت هه‌رێم كوردستان، ئاشكراى تۆماركردن 11 حاڵه‌ت تويشبوين تازه وه ڤايرۆس كۆرۆنا له ماوه‌ى 24 سه‌عات گوزه‌يشت تۆمار كريا.
وه‌زاره‌ته‌گه له به‌ياننامه‌يگ ئه‌را شه‌فه‌ق نيوز وت: شماره‌ى ئه‌و كه‌سه‌يله ك چينه‌سه كه‌ره‌نتينه له هه‌رێم ره‌سيه(9196)كه‌س و ئيسه ته‌نيا (1602)كه‌س له‌ليان مه‌ندگه له(33)شوون جياجيا، له‌ليان(572)له هه‌ولێر و (259)له سلێمانى و (730) له دهۆك و (41) له راپه‌ڕين.
باس له‌وه‌يش كرد(7594)كه‌سيش له كه‌ره‌نينه ده‌رچينه‌و چينه‌سه ناو ماڵه‌يل خوه‌يان دوياى ئه‌وه‌گ ئه‌را ماوه‌ى دو هه‌فته له كه‌ره‌نتينه بوينه، ئاماژه وه‌يه‌يش كرد له‌ماوه‌ى 24 سه‌عات گوزه‌يشت (165)كه‌س كه‌ره‌نتينه كريانه.
