لە کوردستان.. لە ماوەی ساڵ ٢٠٢٣ ٨ کوشیان و ٦٠ خوەیکوشتن لەناو پیاوەیل قوربانی تونوتیژی خیزانی
سەرۆک فیدراسیۆن کە ریخریاییگ ناحکومییە، عەلی بورهان، لە ئەرا ئاژانس شەفەق نیوز راگەیان کە “هەشت شوی وە هاوکاری لایەن سێیەم لەلایەن ژنەیلیان کوشیانە، هەمیش 60 پیاو خوەیان کوشتنە، و بڕ گشتی شمارەیان لە تونوتیژی خیزانی دژوە پیاوەیل رەسیە زیاتر لە ٦٠٠ مردن لە هەرێم کوردستان لە ماوەی ساڵ گوزەشتە.
وتیش: "زیاییوین کارەیل ناپاکی هاوسەرگیری لەناو ژنەیل لەوەڕ سۆشیال میدیا و ئامیرەیل پەیوەندیکردن تیەێد".
سەرۆک سەندیکاگە هوکار زیایبوین تونوتیژی خیزانی ئەرا "تووڕەیل کۆمەڵایەتی، ناپاکی هاوسەرگیری، نەوین ئەغماز لە ناوەین هاوبەشەیل، و داوەزیان رەوش ئابووری لەوەر قەیران مووچە و لیکەفتگەیلی" گلەو دا.
لەو تونوتیژیەیلە کە پیاوەیل کەفتنە ناوی جیاواز بوین، لە تونوتیژی لەشی و دەریونی و سێکسییەو، بیجگە لە دەسوەشانن و دەرکردن لە ماڵەو و ناپاکی هاوسەرگیری، کە کەسوکار ژنەگە دەسوەردان لە پەیوەندی هاوسەرگیرییەگە کەن و ڕیگری کەن تا شویەگە مناڵ خوەی نەوینێد.
شارەزایانی یاسایی هوکار شکست حکومەت لە هەرێم کوردستان لە جیوەجیکردن بڕگەیل یاسای ژمارە 8ی ساڵ 2021 تایبەت وە بەرەنگاربوون تونوتیژی خیزانی وانن کە بویەسە مدوو زیایبوین تونوتیژی.
لە وەختیگ توێژەرەیل هوکار زیایبوین ئی تونوتیژییە گلەو دەن ئەرا “پەخشکردن و دۆبلاژکردن فرەیگ لە زنجیرە بیانییەیل، کە بەشدارییگ فراوان کرد لە ئاڵشتکردن فرەیگ لە چەمکە کۆمەڵایەتی و خیزانییەیل لەناو کۆمەڵگەی کورد، و هیشت بنەماڵەی کورد بکەفنە وەر مەترسی هەڵوەشانن، کە ئیجا بەشداری کردن لە زیایبوین جیابوین و تونوتیژی، بیجگە لە کوشتن و خوەکوشتن، هەمیش پاشماوەی قەیران دارایی.
