لە چوارچمگ هەڵمەت 120 هەزار دار..."عەنکاوە" دەسکەێد وە کاڵین زەیتون لەیاد لەداڵگبوین "بارزانی نەمر"
2024-03-14T12:27:01+00:00
شەفەق نیوز/ قەزای عەنکاوە لە شار هەولێر، ئمڕوو پەنجشەممە، دەسکردە کاڵین 200 دار زەیتوون لە چوارچمگ هەڵمەتیگ کاڵین 120 هەزار دار لە سەرانسەر هەرێم کوردستان.
پەیامنێر ئاژانس شەفەق نیوز وت، شارەوانی قەزای عەنکاوە وە هاوکاری وەگەرد قائیمقامیەت قەزاگە و وەزارەت کشاوەرزی لە حکومەت هەرێم کوردستان وەبوونەی ساڵیاد لەداڵگبوین سەرکردەی نەمر موستەفا بارزانی هەسیا وە کاڵین 200 دار زەیتوون لە چوارچمگ کاڵین 120 هەزار دار لە گشت شارەیل هەرێم کوردستان.
لەلایگیش وەزیر گواستنەوەو و پەیوەنیەیل حکومەت هەرێم کوردستان ئانوو جەوهەرلە کۆنگرەیگ رووژنامەوانی پەیامنێر ئاژانس شەفەق نیوز ئامادەبوی راگەیان، "هەسیامنە وە کاڵین دار زەیتوون، کە هاز وەرگیری خاسیگ دیرێد وەرانوەر وە گەرمی و ئاڵشتبوین کەشوهەوا، وەگەرد یەیش تەمەن دار زەیتوون تەمەن درویژترین دارە لە جەهان".
