لەوەر خوەڵوارین فرۆکەخانەی هەولێر و سلێمانی ماوەی پەکخستن گەشتەیل ئاسمانیان درویژەو کردن

شەفەق نیوز/ ئیدارەی فرۆکەخانەی ناودەوڵەتی هەولێر، شەوەکی ئمڕوو سێشەممە، پەکخستن گەشتەیل ئاسمانیان درویژەو کردن لەوەر شەپوول خوەڵواران، ک ئاست نووڕستن ئەرا مەودای فرە کەمیگ داوەزیایە.   

ئەحمەد هۆشیار وەرێەوبەر فرۆکەخانەی ناودەوڵەتی هەولێر لە بەیاننامیگ رەسیە ئاژانس شەفەق نیوز وت، ئمڕوو سێشەممە لە ساعات هەفت و نیم  بڕیار دانە جویلە ئاسمانیەیل جاریگتر بوسنن لەئەنجام داوەزین ئاست مەودای دوینن. 

فرۆکەخانە سلێمانی لە بەیاننامیگ وت، لەوەر دەرکەفتن شەپوول خوەڵ و توزیگتر و دروسکردن کاریگەری لەبان داوەزین مەودای نووڕستن جاریگتر وە شیوەی وەختانە گەشتەیل ئاسمانی پەکخرێد. 

ئیدارەی فرۆکەخانەی ناودەوڵەتی سلێمانی و هەولێر، دویەشەو دوشەممە گەشتەیل ئاسمانیان وسانن لەوەر بارودۆخ کەشوهەوا و ئەو شەپوول خوەڵوارانە ک وڵاتەگە گردیەسە وەر.