لە هەرێم کوردستان.."رۆیتەرز" رووشنایی خەێدە بان مناڵەلیگ کورد هوشیاری ژینگە بڵاو کەن
شەفەق نیوز/ ئاژانس خەوەری رۆیتەرز، ئمڕوو یەکشەممە، راپۆرت کوڵیگ وە ڤیدیۆ بڵاو کرد، مناڵەیلیگ لە هەرێم کوردستان نشان دەێد، ک باس ئەزموونیان لە مقەیەتیکردن دارەیل کەن وەخاتر بڵاوکردن هوشیاری ژینگە.
لەو راپۆرتە ک یەک خولەک وشەش چرکە وەپی چوود، و ئاژانس شەفەق نیوز ئەڵگەردانی کرد، مناڵەیلیگ لە هەرێم کوردستان باس کەن چوین مقەیەتی ئەو دارەیلە کەن ک ئەرک مقەیەتیکردنیان وەپیان دریاگە، و زیایکردن هوشیارکردن ژینگەیی و خوازین رووبەرەیل سەو، تایبەت لە شار سلێمانی.
کە سەرەتای راپۆرتەگە بڕیگ مناڵ ئاشکرای ناو خوەیان کەن، ئیجا هەر کەسیگ ئویشێد: یە دارەگەمە.
لەناو سیمای ئاویاریکردن دارەیلیگ بویچگ وەدەس مناڵەیل، راپۆرتەگە ئویشێد" مناڵەیلیگ ئەرکدار وە دارەیلیگ کریان تا مقەیەتییان بکەن، وەخاتر جویلەهاوردن وە هوشیاری لەباوەت خوازین رووبەرەیل سەوز.
یەکیگ لە مناڵەیگ ئویشێد: لە سەرەتا برادەرم داریگ داشت، و من نەیاشتم، و خوەشم هات منیش داریگ بیاشتام، ئەراوە داوا لە باوگم کردم داریگ ئەرام بارێد، ئەویش چیە شارەوانی و یەکیگ ئەرام هاورد، و یە سێ ساڵە خوەم ئاوی دەم.
مناڵەگە هەمیش ئویشێد: دارەگە دەسکردە ئەوزەڵکردن، وئیمە لە سای نیشیمن.
