لە ناوڕاس ئی مانگە دەوام مەکتەوەیل هەرێم کوردستان تیەێدەو

شەفەق نیوز/  ئاڵان حەمە سەعید وەزیر پەروەردە و خوەنەواری لە هەرێم کوردستان، ئمڕوو یەکشەممە، راگەیان هاتنەوەی دەوام ئامادەبوین لە مەکتەوەیل لە ناوڕاس ئی مانگ ئایارە، و شایەت ساڵ خوەنستن ئیسە لە یەکەم رووژەیل وەرز تاوسان تەواو بوود.

حەمە سەعید لە کۆنگرەیگ رۆژنامەوانی ئمڕوو و ئاژانس شەفەق نیوز ئامادەی بوی وت: بڕیارە خوەنەواری مەکتەوەیل هەرێم لە ١٦ی ئی مانگە دەسوەپی بکەێد وەگەرد پابەندی وە ریکارە تەندروسیەکان.

هەمیش وت: شایەت یەکەم رووژەیل وەرز تاوسان بوودە کۆتایی ساڵ خوەنستن ٢٠٢٠- ٢٠٢١ ، و تەنیا تاقیکردنەوەی پۆلەیل خوەنستن لە قۆناغ یەکتم بنەڕەتی تا ١٢ی ئامادەیی مینێد.