لە ئەڵمانیا...سەرۆک هەرێم کوردستان وەگەرد سەرۆک وەزیرەیل لوبنان گردەو بوود
شەفەق نیوز/ لە پەراوێز کۆنفراس ئاسایش میونیخ، نێچیروان بارزانی سه‌رۆک هه‌رێم کوردستان، ئمڕوو جومعە، وەگەرد نه‌جیب میقاتی سه‌رۆک وه‌زیرەیل لوبنان گردەو بۊ.
وەگورەی بەیاننامیگ لەسەرۆکایەتی هەرێم کوردستان رەسیە ئاژانس شەفەق نیوز، هەردگ لایەن له کۆبۊینەگە باس لە پێشهاته‌یل دۆخ عراق و پرۆسه‌ی سیاسی، هەڵوژاردن ده‌سە‌ی سه‌رۆكایه‌تیی ئه‌نجومه‌ن نۊنەرەیل عراق و تەقەلایەیل پێکهاوردن حكومه‌ت ئایندە، دۊاین پێشهاته‌یل دۆخ سیاسی، ئه‌منی و ئابوریی لوبنان و په‌یوه‌ندییه‌یل لوبنان وەگەرد عراق و هه‌رێم كوردستان كردن.
وەگورەی بەیاننامیگ لەسەرۆکایەتی هەرێم کوردستان رەسیە ئاژانس شەفەق نیوز؛ نێچیرڤان بارزانی، ئارەزوو هه‌رێم كوردستان ئەرا پەرەداین وه په‌یوه‌ندییه‌یل وەگەرد لوبنان دووپاتکرد و باس لە ئاماده‌یی و كار و چالاكییه‌یل ڕه‌وه‌ند لوبنانی له هه‌رێم كوردستان كرد ك له چەن مژارەیگ جیا چالاکن و کارکەن.
لەلایگتر، نه‌جیب میقاتی سه‌رۆک وه‌زیرەیل لوبنان دۊای پێشكه‌شكردن پوخته‌یگ ده‌باره‌ی دۆخ سیاسی و ئابوری و ئاستەنگیەیل وەردەم وڵاته‌گه‌ی، دووپاتکرد له ئاماده‌یی و ئارەزوو لوبنان ئەرا ئەوزەڵداین وه په‌یوه‌ندییه‌یل وەگەرد عراق و هه‌رێم كوردستان، لەهەمان وەخت نێچیرڤان بارزانی ئەرا سه‌ردانیگ فه‌رم یئەرا لوبنان مکیس کرد.
لەبەیاننامەگە هاتیە، دۆخ په‌نابه‌رەیل له لوبنان و هه‌رێم كوردستان، دۊاترین پێشهاته‌یل جەنگ دژ وە داعش و دۆخ ناوچه‌گه وه‌گشتی و چه‌ن پرسیگ جی گرنگی هاوبه‌ش، ته‌وه‌ریگتر بۊ لە کۆبۊنەوەگە.
