لەسای دابڕین چەن فراکسیۆنیگ پەرلەمان کوردستان نەتوێنست دانیشتن بكه‌ید
شەفەق نیوز/ پەرلەمان هەرێم کوردستان، ئمڕوو یەکشەممە، نەتوێەنست دانیشتنە ئاساییەگەی بكه‌ید لەوەر وەردەوامبوین ناکۆکیەگان ناونی فراکسیۆنە پەرلەمانیەگان. ئومێد خۆشناو وەرپرس فراکسیۆن پارت دیموکرات کوردستان ئەرا ئاژانس شەفەق نیوز وت: وه‌داوای یەکێتی نێشتمان کوردستان ، بریار دریا دانیشتنەگە ئەرا ٢٤ ساعەت دویا بخریەێد،. رێواز فایق سەرۆک پەرلەمان، سەر وەیەکێتی، خوەی و فراکسیۆنەگەی ئامەدەبوینیان ئەرا دانیشتنەگان پەرلەمان وسانن. هێمن هەورامی ئەندام دەسەی سەرۆکایەتی پەرلەمان، لە هەفتەی گوزەیشتە وت: بڕیاردریا لە رووژ ٢٦، و ٢٧ ، و ٢٨ ئی مانگە پەرلەمان ژمارەیگ دانیشتن ئەنجام بیەێد، و ئاماژەدا ک دانیشتنەگان ئامادەبوین چەن وەزیریگ لە حکومەت کوردستان لەناویان بوود. لەلای خوەییش عەبدولسەتار مەجید وەرپرس فراکسیۆن کۆمەڵەی ئیسلامی لە کۆنگرەیگ رۆژنامەوانی وت: بەڕنامەی دانیشتنەگە نێکەفێدە گرنگیداین وە هاوڵاتیەیل و گرفتەیلیان، ئەراوە بڕیاردایمن بەشداری نەویمن.
