كوردستان دوسيه‌ى ئێزيديه‌يل خسته وه‌رده‌م ريككه‌فتن ناوده‌وڵه‌تى
له به‌ياننامه‌ى حكومه‌ت هه‌رێم ئه‌را(شه‌فه‌ق نيوز)ئه‌وه ده‌ركه‌فت ك ديندار زێبارى سه‌رۆك ليژنه‌ى چه‌وديرى و جواودانه‌وه له‌بان راپۆرته‌يل ناوده‌وڵه‌تى وتاريگ وه‌ناو حكومه‌ت هه‌رێم پيشكه‌ش كردگه‌و له‌تى جه‌خت له‌وه كردگه ك ئازادكردن هه‌زاران كورد ئێزيدى له‌لايه‌ن حكومه‌ت هه‌رێمه‌و تازكردنه‌وه‌ى پابه‌ندبوين هه‌رێمه وه په‌يمان ناوده‌وڵه‌تى تايبه‌ت وه شاردنه‌وه‌ى زووره‌ملى و ئاماژه وه‌يه‌يش كرد ك ملله‌ت كورد هه‌ميشه ناڵانگه وه‌ده‌س حكومه‌ته‌يل يه‌ك له‌شون يه‌ك له‌و سياسه‌ت بيسه‌روشوونكردنه ك دژى په‌يڕه‌و كرياگه.
به‌ياننامه‌گه هه‌ميش وت: ملله‌ت كورد گه‌وراترين قوربانى ئه‌و سياسه‌ته‌يله بويه له بيسه‌روشوونكردن كورد فه‌يلى له‌ساڵه‌يل 1980 – 1990 بگر تا ره‌سێده كاره‌ساته‌يل ئه‌نفال هه‌يشت هه‌زار بارزانى و 182000 كورد تر له ناوچه‌يل بادينان و گه‌رميان، به‌ڵكوو رژيم به‌عس رمياگ وه‌ويشه‌و نه‌وسياو تائيسه‌يش هه‌ر وه‌رده‌وامه له‌شوون ئه‌وه‌گ ريكخرياگ ترۆريستى داعش ده‌سكرده گرتن و ببسه‌روشوونكردن هه‌زاران كه‌س له كورده‌يل ئێزيدى و تائيسه‌يش چاره‌نويس فريه‌يگ له‌ليان نادياره.
