قونسوڵ ئیمارات دەسخوەشی لە بەرهەمەیل هەرێم کوردستان کەێد
دەزگای بەرهەمهاوردن لە هەرێم کوردستان، لە بەیاننامەیگ رەسیە ئاژانس شەفەق نیوز وت: قونسوڵ ئیمارات سەردان دەزگاگە کرد و چەوی کەفتە محمد شوکری سەرۆکی، و لەناو دیدارەگە باس شیوەیل فراوانکردن بەرهەمهاوردن ئیمارات کریا، و دووپات لە زیایکردن ریژەی هەناردەیل هەرێم کوردستان لە بەرهەمەیل کشتوکاڵی و خواردەمەنی ئەرا ئیمارات کریا.
قونسوڵ ئیمارات دەسخوەشی لە کوالیتی و تام بەرهەمەیل هەرێم کوردستان وەرانوەر دەوڵەتەیل فرەیگ کرد، و ئی بەرهەمەیلە رکابەری وەگەرد بەرهەمەیل ئەو دەوڵەتەیل لەناو بازاڕەیل ئیمارات کەێد.
لەلای خوەییش، محمد شوکری دووپات لە پیشکەشکردن گشت شیوەیل ئاسانکاری ئەرا بەرهەمهاوردن ئیمارات وەبی کەموکوڵی کرد.
وتیش: دەوڵەت ئیمارات یەکیگ لە فرەترین دەوڵەتەیل ک لەناو هەرێم کوردستان بەرهەم تیارێد، ک ١٥٠ کۆمپانیای ئیماراتی ئیرنگە لەناو هەرێم کوردستان کار کەن.
