فدراسیوون تووپان و وزارەت وەرزێشت عراق، هام‌دەردی بکەێ
شەفەق نیوز- دە رێکەوت (12/02/1987) گەنترین کارەسات وەرزێشتی دنیا کەفتگە ک دە جەنگەێل جەهانڕوویش بێ‌ۆێنە بییە.
ماڵگەێ فەرهەنگی-کومەڵایەتی شەفەق، جوور بنگەیێگ هن کوردەێل فەیلی عراق، لە وزیر وەرزێشت عراق و هەرێم کوردستانیش دخوازێ ک ئەڕا دووسایەتی فرەتر و وە رێ و رێچەێ هام‌ساداری، لە بنەماڵەێل کوشریاگەێل و زامدارەێل ئەو کارەساتە دڵجوووری بکەێگ و ئی هەفتە وە نام (کارەسات وازی تووپان چەوار ئیلام فەیلی) نامگیرەو بکەێ.
خاسە بزانن ک دە ئی‌جوورە رووژێگ، تەیارەێلەێ رژیم بەعس ، وازی تووپانێ ک دە شارە بۆچکەڵەێ چەوار دە ئوستان ئیلام فەیلی و ئەڕا خوەشی نمام و نۆنمامەێلەێ کورد نریابی بومباران کردن ئوو نۆ نمام و نوونمام و زاڕووەێل بێ‌تاوانێ ک هیچ کامەیان نزامی نەبین، و دە نام‌بەێن پەنج ساڵان تا بیس و هەشت ساڵان بین و ئەڕا وازی و تەماشاوانی هات‌بین، کوشت و بڕەو کردن.
خاسە بزانن ک دە لیگ بەرتەر تووپان ئێران، ئی هەفتە وە نام ئی کارەساتە دڵتەزنە نامگیرەو بی.
