پەککەفتن زیاتر لە ٢٠٠ بیر ئاو لە هەولێر
شەفەق نیوز/ سەرۆک حکومەت خۆجێیی لە پارێزگای هەولێر ئومێد خۆشناو، ئمڕوو شەممە، راگەیان پەککەفتن زیاتر لە ٢٠٠ بیر ئاو لە پارێزگاگە، و داوا لە دانیشتوەیل کرد ئاوەگە وەگورەی خوازین وەکار بارن و بەد خەرجکردن لەلی نەکەن، لە سای ئی هشکەساڵیە ک هەرێم کوردستان و عراق وەگشتی وەخوەی دوینێد.
خۆشناو لە پشت داناین سەنگ بنەڕەتی ئەرا چەن پڕۆژەیگ خزمەتگوزاری وت: وەداخەو ک کەفیکنە جەختەیل گەورەیگ لەوەر هشکەساڵیەگە، و لە خود وەختەگە دەسخوەشی لە خەڵک بەشیگ لە گەڕەک و ناوچە و ئاوای و قەزا و ناحیەیلە کەیمن لەوانەگ لەو هشکیە زەرەدمەن بوینە ئەرا خۆڕاگری و سەبریان.
وتیش؛ ئەوەسا پلانیگ ئەرا کەمەوکردن بڕ زەرەدەیل هشکەساڵیەگە دانەیمن، وەلێ پشتگیریکردن هاووڵاتییەیل خوازیمن وە کەمەوکردن وەکارهاوردن ئاوەگە و نواگردن لە بەد خەرجکردنی.
خۆشناو وتیش؛ ئەوەسا چەن ریکاریگ ئەرا دابینکردن ئاو خواردن بەیمن، و ئەوەسا ژوور ئۆبراسیۆنەیل هەولێر ئیوارەی ئمڕوو کۆبونەوەیگ ئەنجام دەێد ئەرا باسکردن لە باوەت هشکیەگە و هەمیش ئەرا زویکردن لە گامەیل ئەرا پشتسەرنان ئی گیچەڵە.
سەرۆک حکومەت خۆجێیی باس لە خەفەت خوەی کرد ک ١٠٠ بیر وەتەواوی یەکیان کەفتکە، و هەمیش ١٢٠ بیر تر هەس قویلەوکردن خوازن ، وتیش؛ بەشیگ لە گرفتەیل ئەو بیرەیلە پەیوەندی وە کارەبا دیرن، و بەشیگ پەیوەندیەگەی وەپەککەفتن پیشەییە.
