کەشوهەوای ئیلام فەیلی ناجیگیرەو بوود
2023-10-25T12:18:37+00:00
شەفەق نیوز/ کەشناس پارێزگای ئیلام فەیلی ئحسان ئەحمەد نەژاد، ئمڕوو چوارشەممە، راگەیان، لە دویەکەوە وە مدوو رەدبوین شەپوولیگ ناجیگیر وەبان پارێزگاگە لە بڕیگ شوینەیل پارێزگاگە واران وەگەرد تریشقە وە خوەی دوینێد.
وەپای خەوەریگ لە ئاژانس خەوەریم "میهر"، کەشناسەگە راگەیان، " تونی و رێژەگەی ئەوەنە وەرچەو نییە باوجی مەزەنەکرێد وە تایبەت لە ناوچەیل باشوور خوەرهەڵات پارێزگاگە لافاو روی بەێد.
کەشناسەگە ئاشکەرایکرد، مەترسی زەخمداریبوین وە گرمەهڕ هەس وە تایبەت لە جیەیل بەرزایی، بارودۆخەگە سوو کەمترەو بوود و کەشوهەوای ئیلام فەیلی لە کۆتایی سوو پەنجشەممە وەرەو جیگیربوین چوود، هەمیش پلەی گەرمی 2 تا 4 پلە داوەزێد.
