پیشوازیکردن جەماوەری ئەرا چالاکیەیل چوارەم ڤیستیوال بازاڕکردن لە کەلار...وینە
2023-11-20T09:49:49+00:00
شەفەق نیوز/ ئەرا پەنجەمین رووژ وەبان یک، چالاکیەیل ڤیستیوال بازاڕکردن لە کەلار لە ناوان ئیدارەی گەرمیان وەردەوامە، لە خول چوارەمی وە بەشداریکردن زیاتر لە 400 کۆمپانیا.
پەیامنێر ئاژانس شەفەق نیوز وت، لەوەخت رەدبوین لەناو ڤیستیواڵەگە، ئامانج لە ڤیستیواڵەگە وەپای قسەی رێکخەرەیلی دابینکردن دەرفەت کارە ئەرا دەیان بی کار، هەمیش دابینکردن بازاڕکردن ئەرا وەرهەمە خوەماڵیەیل.
وتیش، ڤیستیواڵەگە لەژیر سەرپەرشتی وەڕێوەبەرایەتی گەشتوگوزار و ئاسەوار ئیدارەی گەرمیان وەڕیوەچوود وە بەشداریکردن زیاتر لە 400 کۆمپانیا ناوخوەیی لە گشت شارەیل هەرێم کوردستان وەگەرد کۆمپانیایەیلیگ لە وڵاتەیل هاوسا.
پەیامنێرمان وتیش، ڤیستیواڵەگە بەرهەمەیل خوەماڵی و فلکلۆری و کارەیل دەسڕەنگینی گرێدە خوەی وەگەرد نمایشکردن ئۆفەرەیل کۆمپانیا و سەنتەرەیل پزیشکی و بیناسازی.
