کەشناسی هەرێم کوردستان: ئمڕوو پلەی گەرمی 2 تا 3 پلە بەرزەوبوود

شەفەق نیوز ـ وەدویاچگن

وەڕێوەبەرایەتی کەشناسی و توومار زەویلەرزەیل هەرێم، ئمڕوو چوارشەممە، مەزەنەی کەشوهەوای دوو رووژ ناوچەگە دیاریکرد و راگەیان ئمڕوو پلەی گەرمی بەرزەوبوود.

وەڕێوەبەرایەتیەگە لە بەیاننامەیگ راگەیان "ئمڕوو ئاسمان رووشنە و تونی وا ها ناوەین یەواش و ناوڕاس وە ئاراستەی باشوور خوەرئاوا و پلەی گەرمی وە  ( 2 – 3 ) پلە بەرزەوبوود بەراورد وە توومارەیل دویەکە". 

دیاریکرد "سوو پەنجشەممە، ئاسمان رووشنە وەرد دروسبوین بڕیگ لەکە ئەور لە وەخت ئیوارە و تونی وا لە ناوەین یەواش و ناوڕاسە وە ئاراستەی باشوور خوەرهەڵات و پلەی گەرمی (3- 2) پلە بەراورد وە ئمڕوو داوەزێد".

بەرزترین پلەی گەرمی مەزەنەکریاگ ئەرا شار و ناوچەیل هەرێم وە پلەی سیلیزی:

هەولێر: 38 پلەی سیلیزی 

پیرمام: 35 پلەی سیلیزی

سلێمانی: 36 پلەی سیلیزی

هەڵەبجە: 37 پلەی سیلیزی 

چەمچەماڵ: 38 پلەی سیلیزی

دهۆک: 36 پلەی سیلیزی

زاخۆ: 38 پلەی سیلیزی 

ئاکرێ: 37 پلەی سیلیزی 

گەرمیان: 40 پلەی سیلیزی 

حاجی ئۆمەران: 29 پلەی سیلیزی

سۆران : 36 پلەی سیلیزی