شمارە ٢٢٧ لە گوڤار "فەیلی" وە زوان عەروی هاتە دەر
شەفەق نیوز/ شمارەی نوو ٢٢٧ لە گوڤار "فەیلی" وەزوان عەرەوی وەلایەن ئاژانس شەفەق نیوز ئەرا روشنهویری و ڕاگەیانن کورد فەیلی هاتە دەر.
ئی شمارەی نووە وە وتاریگ وەناونشان "مردن فەیلی وەشیوەیگ سروشتی، تاوانیگە لەناو فەرهەنگیان" وەلایەن عەلی حسێن فەیلی سەرۆک نویسان گۆڤارەکە دەسوەپی کەێد، ک باس ئەو جینۆسایدە لەبان کورد فەیلی کەێد.
شمارەگە بڕیگ ڕاپۆرت و لێکۆڵینەوە و وتار جیاواز هاناوی جویر:
نێچیروان بارزانی نەخشەی ریەگە خەێدە وەردەس، ک ئی ڕاپۆرتە باس ئەو دوو سەردانە کەێد وەلایەن سەرۆک هەرێم کوردستان ئەرا بەغداد، وە ئامانج تەقەلایلی ئەدا چارەکردن گرفتەیل و باوەتە گیرهاتگەیل.
لەناوبەین ئامادەباشی سەربازی ئیران و پەیوەندی وەرد بەغداد.. هەولێر دەسپاچە بویە.
سامی فەیلی باس ویستگەیلیگ نا ئاشکرا لە میژوو بزووتنەوەی کورد و یەکەمین کۆمەڵەی فەیلی کەێد.
ماف کەمینەیل لە حکومەت سودانی، بانگەواز ئەرا کۆتاییهاوردن وە ستەم ١٩ ساڵە.
رێکخستن گرنگەیل وڵاتەگە و خوازین فرەی گرنگییگ زوینەس.
مووچەی فەرمانبەرەیل.
خوەشی ورخ.. باسەیل یەهودەیلیگ لە عراق و ناوچەگە.
گۆڤارەکە لەو بەشەیل ئی شمارەی نووە ک ١٦٦ لاپەڕەس، باس باوەت و توێژینەوەیل گرنگیگ کەێد، لە جادەی عراق وەگشتی و کوردستانی وەتایبەت.
