شاند حکومەت هەرێم کوردستان وەگەرد وەزارەت نەفت فیدڕاڵی باس باوەت وزە کەێد
2022-12-13T12:07:04+00:00
شەفەق نیوز وت: حەیان عەبدولغەنی جیگر سەرۆک کۆماریوەزیرەیل ئەرا کاروبار وزە وەزیر نەفت، ئمڕوو، پیشوازی لە شاند دانوسەنین هەرێم کوردستان کرد وە سەرۆکایەتی ئاوات شێخ جەناب وەزیر دارایی، وە یاوەری هەرلە: کەمال محمد وەزیر سامانەیل سرووشتی، و ئومێد سەلاح سەرۆک دیوان ئەنجومەن وەزیرەیل هەرێم کوردستان، و سەرۆک نوینەرایەتی حکومەت هەرێم کوردستان لە بەغداد و قسەکەر حکومەت هەرێم کوردستان، وەگەرد شمارەیگ لە راویژکارویل لە وەزارەت سامانەیل سرووشتی.
وەگورەی بەیاننامەگە، لە دیدارەگە باس شیویەل گورجکردن دەسەیل هاوبەش، ک پەیوەندی وە دەسەی دانوسەنین سەرەکی دیرن ک وەلایەن ئەنجومەن وەزیرەیل دروس کریا، ئەرا پەیاکردن چارەیلیگ راسی ئەراک باوەتەیل گیرهاتگ ناوبەین ناوەند و هەرێم، وە تایبەت ئەوانەگ پەیوەندی وە باوەت وەڕیەوبردن نەفت دیرن.
لە دیدارەگە، هەرلە کەریم حەتاب جینشین وەزارەتەگە ئەرا باوەتەیل دراوردن، و وەڕیەوبەر گشتی کۆمپانیای فرووشتن نەفت عراقی «سۆمۆ»، و وەڕیەوبەر گشتی فەرمانگەی یاسایی، و وەڕیەوبەر گشتی فەرمانگەی چەودیاری ناوخوەیی، و وەڕیەوبەر گشتی فەرمانگەی ئابووری، و وەڕیەوبەر گشتی فەرمانگەی گریەێەسی و مووڵەت، و بڕێک لە وەرپرسەیل فەرمانگەیل پەیوەندیدار و نویسینگەی راگەیانن ئامادە بوین.
