سلێمانی میوانداری ڤیستواڵ "براند" کەێد (وینە)
2023-02-03T09:21:26+00:00
شەفەق نیوز/ ئمڕوو جومعە، لە شار سلێمانی لە هەرێم کوردستان، دەسکریا وە چالاکیەیل ڤیستواڵ براندەیل ناوخوەیی، ئەرا پاڵپشتی بەرهەم خوەمانی.
بڕیارە چالاکیەیل براند ئەرا ماوەی سێ رووژ بەردەوام بوود لە سلێمانی، وە لە ئمڕوو جومعە وە ئامادە بوین جەماوەر فرەیگ دەسوەپی کەێد.
چالاکوان مەدەنی بێریڤان عەلی وەئاژانس شەفەق نیوز وت، " چالاکیەیل لە (فاملی مۆل)کریەێد، وە بەشداریکردن فراوانی لەو ژنەیلە کارەیل بەرهەمهاوردن دەسڕەنگین خوەمانی کەن".
وتیش،" بەرهەمەیل نمایشکریاگ پێکتێد لە کارەیل دەسڕەنگینی و شیوەکاری و خوەراکەیل خوەمانی و ئێکسوارات"، دووپاتکرد گشتیان پەیوەنی وە میرات کوردیەو دیرن.
ئاشکەرایکرد، " ئامانج لەی چالاکیە پاڵپشتیکردن بەرهەمەیل خوەمانیە و دابینکردن سەکۆیگ ستراتیجی لەوەردەم ئەو کۆمپانیایەیلە خاوەن براند ناوخوەیی نوویگن".
