سلێمانی.. رەسین زیاتر لە ٥٠ هەزار گەشتیار وەماوەی سێ رووژ
ئارام شوانی، قسەکەر وەڕێوەبەرایەتی گەشتوگوزار لە سلێمانی ئەرا ئاژانس شەفەق نیوز وت: “لە پشوو سێ رووژ گوزەشتە زیاتر لە 50 هەزار گەشتیار هاتنەسە ناو شار سلێمانی و زیاتر لە 90% ئەو گەشتیارەیلە خەڵک ناوچەیل ناوڕاس و باشوور عراقن، وەمدوو ئەو ئاسانکاریە کە لە پرۆسەی وەناوهاتن و داکاسیان، کە وەچەو پارەکە زیاترەو بویە.”
وتیش: "جویلەی بازاڕ گریە وە بە جویەی گەشتیاری لە پارێزگەگە دریاس، کە خەڵک لە سلێمانی هویریان هالاس خوازینەیل سەرەتایی خیزانە لەوەر قەیران دارایی و دویاکەفتن خەرجکردن مووچە".
ئارام مەزەنە کرد، لە ماوەی پەنج رووژ ئایندە شمارەگە زیای بکەێد و بڕەسێدە نزیکەی 100 هەزار گەشتیار، و ئاشکرا کرد كە "وەڕێوەبەرایەتی گەشتوگوزار لە سلێمانی گشت ریکارەیل ئەرا وەرگردن گەشتیارەیل جیوەجی کردگە"، وتیش: "ماوەی چەن رووژیگە تیمەیل گەشتوگوزار لە دەروازەیل وەناوهاتن پارێزگاگە ئامادەن ئەرا ئاسانکاری وەناوهتتن گەشتیارەیل."
قسەکەر وەرێوەبەرایەتی گەشتوگوزاری سلێمانی دووپات کرد کە تا ئیسە هویچ گیچەڵیگ توومار نەکریاس وەگەرد هاتن گەشتیارەیل ئەرا پارێزگای سلێمانی، وتیش: “ئی باوەتە گلەوخوەێد ئەرا ئەو میکانیزم ئەمنییە کە لەلایەن خزمەتگوزارییە ئەمنییەیل وەکار هاوریاس، کە گرنگترین هوکارە ئەرا کیشانن فرەترین شمارەی گەشتیارەیل”.
ئاشکرا کرد کە "تیمەیل گەشتوگوزار، وە هەماهەنگی وەرد دەسە گشتییەیل، لە رووژەیل جەژن گەردین خەسیگ لە بازاڕەیل و دامەزراوە گەشتیارییەیل ئەنجامدەن، ئەرا چەودیاریکردن نرخ و کوالێتی خزمەتگوزارییەیل و پیشکەشکردن هاوکاری ئەرا گەشتیارەیل".
قسەکەر گەشتوگوزاری سلێمانی داوا لە گەشتیارەیل و سەردانکەرەیل کرد پابەند یاسایل هاتوچو و ئەمنی و رینمایەیل حکومەت بوون ئەرا مقیەتیکردن ئاسایش و بیوەیی خوەیان لە پشوو جەژن.
