سلێمانی ئامادەکاری ئەرا جەژن نەوروز کەێد.. وینە
ئازاد محمد ئەمین، سەرۆک ئەنجومەن پارێزگاگە، لە کۆنگرەیگ رووژنامەوانی ئاژانس شەفەق نیوز ئامادەی بوی وت: لەو گردەوبوینە ک چالاکوانەیل مەدەنی و بڕیگ لە ریخریاگەیل کۆمەڵگای مەدەنی ئامادەی بوین، دەسەی باڵا دەسکردە ئامادەکاری ئەرا ئاهەنگ جەژن نەوروز لە سلێمانی.
وتیش: ئومید خوازیمن دویەم دیدارەگە وە ئامادەبوون پارێزگار سلێمانی و وەڕیەوبەر گشتی روشنهویری و هونەریل لە سلێمانی بوود، وەگەرد فەرمانگەیل پەیوەندیدار، ئەرا ئامادەبوین وەوەگ وەگەرد ئی جەژنە گونجیاگە ک گشت کورد لە جەهات ئاهەنگ لەناوی کەن.
لەباوەت هاوخەمی پارێزگاگە وەگەرد کەسوکارەیل قوربانیەیل زەویلەرزە وەیرانکەرەگە لە تورکیا و سوریا، سەرۆک ئەنجومەن پارێزگاگە وت: سلێمانی هەکاتی برایلی لەو شارەیل هەرێم کوردستان، وە شیوەیل فرەیگ هاوخەمی خوەی وەگەرد قوربانیەیل زەویلەرزە وەیرانکەرەگە نشان دا، و ئومید خاسەوبوین ئەرا زەخمدارەیل خوازیمن، ک یە ئومید ساڵ کوردی نووە.
لەباوەت تەخانکردن بوودجەیگ دارایی ئەرا ئاهەنگ، سەرۆک ئەنجومەن پارێزگای سلێمانی دووپات کرد ک ئامادەکردن پویل ئەرک وەزارەت روشنهویری و گەنجەیلە لە حکومەت هەرێم کوردستان، و ئەوەسا کەفێدە ئەرک دەسەی سەرپەرشتیار ک پەیوەندی ک وەگەرد وەزارەتەگە بکەێد وەڕی وەڕیەوبەرایەتی گشتی روشنهویری و هونەریل لە سلێمانی تا ئەو پویلە دابین بکەێد.
لە کۆتایی قسەیلی وت: وەگەرد سەر ساڵ نوو و کۆتایی رووژەیل ئی ساڵ کوردیە، ئومێد خوازیمن لایەنە کوردیەکان لەناو خوەیان ئەرا خزمەت بەرژەوەنی گشتی رێک بکەفن
