سیستانی پشتگیری ئەنجامداین هەڵبژاردنە زوینەگە لەمەوقەگەی خوەی کەێد
شەفەق نیوز/ جینین پلاسخارت نوێنەر تایبەت ئەرا ئەمیندار گشتی نەتەوە یەکگرتوەگان لە عراق، ئمڕوو یەکشەممە، راگەیان پشتگیری کردن مەرجعیەت باڵا لە نەجەف سەید عەلی سیستانی، لە ئەنجامداین هەڵبژاردنە زوینەگە لە مەوقە دیاریکریایەگەی خوەی لە ناوڕاس ساڵ ئایندە.
پلاسخارت لە کۆنگرەیگ رۆژنامەوانی ئمڕوو، لەدویای کۆبونەوەیگ وەگەرد سیستانی لە ماڵەگەی لە شار نەجەف وت: خوەی وسیستانی لە سێ باوەت قسەکردن، لەلیان ئەنجامداین هەڵبژارنەگە لە مەوقەگەی ک بڕیاردریاگە وە یاسای یەکسانییگ ئەرا گشت لایەنەگان، و بتەوکردن سەروەری دەوڵەت و ووسانن چەک بەڕەڵا، و کردنەوەی باوەتە گەوراگان گەندەڵی لە وڵاتەگە ئەرا سزادان گەندەڵەیل.
وتیش؛ سیستانی بانگواز کەێد ئەرا ئەنجامداین هەڵبژاردنەگە لە مەوقە دیاریکریایەگەی، و هەمیش داوا لە حکومەت کەێد ئەرا وازکردن باوەتەیل گەندەڵی و سزادان خاوەنەیل هووکارەگانی.
پلاسخارت هەمیش وت: ئەگەر هەڵبژاردنەگان لەبان ئی مەرجەیلە ئەنجام نەیریان، وڵاتەگە وەرەو مەترسی چود.
