سەرۆک هەرێم کوردستان وەبوونەی ساڵیاد دامەزریان یەکێتیەگەیان پیرووزبایی لە ئەدیب و نویسەرەیل کورد کەێد
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: بارزانی وەبوونەی ساڵیاد دامەزریان یەکێتیەگەیان پیرووزبایی گەرم خوەی لە یەکێتیی نویسەرەیل کورد کرد و ئومید سەرکەفتن و پیشکەفتن هەمیشەیی ئەرایان خوازێد، وتیش؛ وە ڕێز و پیزانین فرەیگ تەماشای ئەو ڕۆڵ و خزمەتە پڕ بەختەوەرە کەێد کە پیشکەش زوان کوردی و ئەدەبیات کەن.
بارزانی دووپات کرد کە نویسەرەیل دڵسووز هویچ تەقەلایگ لە پیشکەشکردن خزمەت نەخستنەسە دویا و تەقەلایل گەورە دانە ئەرا بڵاوکردن هووشیاری و مقیەتیکردن شویناسی نەتەوەیی و نیشتمانپەروەرانەی کورد و کوردستان و بنیاتنان کۆمەڵگەیگ مەدەنی و چەسپان بەهایل وەیەکەوژیان، قبوڵکردن ئەوانەی ترەک و وەخشین.
بارزانی سڵاو لە گیان و یادەوەریی نویسەرەیل گەورەی کورد کرد و دیاری کرد کە "خزمەتگوزاری و بەرهەمەیلیان لە مێشک ئیمە ئەبەدییە و هەمیشە وە ڕێز و پیزانین یادیان کەیمن".
